Symbian ОЖ-мен қоштасып, Фин компаниясы Nokia өзінің кезекті Nokia Lumia 920 атты жаңа смартфонын ұсынды. Ал "lumia" сөзі, фин тілінен аударғанда "қар" деген мағынаны білдіреді. Сонымен "Қар" сериясынан бүгін біз 920 моделімен жақынырақ танысамыз.
Техникалық сипаттамасы және құрамы
| Nokia Lumia 920 | Samsung Galaxy S III | |
|---|---|---|
 |
 |
|
| Форм-фактор | моноблок | моноблок |
| Операциялық жүйесі | Windows Phone 8 | Android 4.0, 4.1 - ге жаңартуға болады |
| Процессоры | Qualcomm Snapdragon S4 (2 ядролы), жиілігі 1.5 ГГц, Графика Adreno 225 | Exynos 4412 (4 ядролы), жиілігі 1.4 ГГц, графикасы Mali-400MP |
| Жады | 1 ГБ жедел жады, 32 орнатылған жады, кеңейтуге мүмкіндік жоқ | 1 ГБ Жедел жады, 16/32/64 ГБ орнатылған жады, +microSD (до 64 ГБ) |
| Байланыс түрлері | GSM/GPRS/EDGE, UMTS, HSPA, LTE, W-CDMA | GSM/GPRS/EDGE, UMTS, HSPA, LTE |
| Wi-Fi | Бар | Бар |
| Дисплей | IPS, диагоналі — 4.5 дюйм, кеңейтілімі — 786х1280 | Super AMOLED, диагоналі — 4.8 дюйм, кеңейтілімі — 720х1280 |
| Интерфейстері | USB 2.0, HDMI, Bluetooth 3.1, GPS/ГЛОНАСС, NFC | USB 2.0, HDMI, Bluetooth 4.0, GPS/ГЛОНАСС, NFC |
| Камера |
Баста камера — 8.7 Мп, автофокус, FHD-видео, сурет стабилизациясы; |
Баста камера — 8 Мп, автофокус, FHD-видео; |
| Аккумулятор | Li-ion 2000 мАч | Li-ion 2100 мАч |
| Өлшемі және салмағы | 134.4 x 69.9 x 8.9 мм, 135 г | 136.6 x 70.6 x 8.6 мм, 133 г |
| Бағасы | орташа бағасы - 94000 тг | орташа бағасы - 80000 тг |
Дизайн және жинақтамасы
Қорабы қарапайым қазіргі смартфондар секілді. Ал дизайн ерекше екені бізге мәлім. Nokia Lumia 920 өзінің жарқын фирмалық дизайнымен ерекшеленеді. Поликорбонаттан жасалынған корпус кездейсоқ соққылардан қорғап қана қойма, сондай-ақ қолға ұстаған кезде өте ыңғайлылық тудырады. Ал корпустың ішінде, сымсыз заряд алуға арналған, Qi стандарты бойынша жасалынған, арнайы катушка бар. Бұл жаңа қосымша, қарапайым сыммен зарядтанудан 10% - ға ғана аз жұмыс жасайды, ал процессті әлдеқайда оңайлатады. Lumia батырмалары циркон керамикасынан жасалынған. Бұл материал, аса жоғары бекемділік және басқан кездегі ыңғайлылықты бере алады.
Интерфейс және бағдарламалық жасақтама
Nokia Lumia 920 смартфонында орнатылған операциялық жүйе Windows Phone 8. Windows Phone 7 ден бері келе жатқан жаңа интерфейс, Modern Style.
 |
 |
 |
 |
 |
 |
Орнатылған бағдарламалар және интернет дүкені
Office
"Офис" өзімен бірге тегін жүретін бағдарлама. Бұл дегеніміз, құжаттармен, "презентация" және кестелермен жұмыс жасайтын адамдарға өте ыңғайлы. Компьтеріңізден жүктеп немесе дәл осы бағдарламаның ішінде жаңасын ашу арқылы, жұмысты әлдеқайда оңай жасай аласыз.
 |
 |
Дүкен (бағдарламалар немесе ойындар жүктеу үшін) және ойындар бөлімі
Дүкен әдеттегі бәсекелестерінің дүкендері секілді. Тек интерфейсі әртүрлі. Қазіргі таңда WP 8 операциялық жүйесіне бағдарламалар айтарлықтай көп емес. Уақыт өте келе бұл дүкен де жаңа, пайдалы, әрі қызықты бағдарламаларға толы болатынына сенімдімін.
Жүктеп алған ойындар бағдарламалар тізімінен емес, арнайы ойындар бөлімінен пайда болады.
 |
 |
"Nokia Город" бағдарламасы
Қазіргі таңда, бұл бағдарлама Алматы қаласымен де жұмыс жасай алады. Тек жұмыс істеу үшін басты талап, интернеттің болуы.
Пернетақта
Nokia Lumia 920 пернетақтасының өзіндік ерекшелігі бар. Жақсы жаңалықтардың бірі, қазақ тілінің болуы. Және Lumia пернетақтасы ақылдырақ болған. Қатеңізді дұрыстап, сөдердің орнына өзінің нұсқасын ұсыну және қатеңізді көрсету деген секілді.
 |
 |
Тіл
Өкінішке орай интерфейстің қазақша аудармасы жоқ екен. Тек қана кейбір бөліктері ғана қазақ тіліне аударылған. Болашақта, жаңартулармен бірге, қазақ тілі де толық еніп қалар деген үміттемін.
Экран
Экран, жоғарыда көрсетіп кеткенімдей, IPS және пикселдер санының дюймға қатынасы жоғары. Кеңейтілімі 768х1280. PPI шамамен 332-ге тең.
Экранның басты артықшылықтарының бірі, қатты денелерді қабылдай алуы. Бұл мүмкіндік қыстың суық күндері қолғап арқылы басқаруға жол береді.
Камера
Nokia Luma 920 камерасы 8,7 Мп. Қос жарық диоды.
Нокияның камерасы жайлы біраз шу болды. PureView технологиясын қолдану арқылы смартфон аса жоғары сапаға ие. Суреттер шынымен өте жоғары сапада, төменде сілтеме арқылы суреттерді жүктей аласыз.
Оптикалық тұрақтандыру видеоның сапасына өте қатты жауап береді. Менің білуімше, тұрақтандыру тек қана видео емес, сондай-ақ фотоның сапасын да жақсартады.
Nokia Lumia 920 смартфоны арқылы түсірілген суреттер
Zune
Тағы да бір жақсы жаңалық. Енді смартфонға файлдарды жіберу үшін, USB арқылы компьютерге қоссаңыз жеткілікті. Егер де сіз операциялық жүйенің 7.х нұсқасын қолданған болсаңыз, файлдарды жай ғана жазу мүмкін болмайтынын білетін болу керексіз. ОЖ-нің 8 нұсқасында бұл ыңғайсыздық шешілді. Енді, өлең, фото, файлдар немесе видеоны оп оңай жаза аласыз.
Жұмыс істеу уақыты
Аса жоғары жүктеме кезінде смартфон шамамен 7-8 сағат жұмыс жасайды. Ал ғаламтордағы ақпаратқа сүйенетін болсақ, Nokia Lumia 920 күту режімінде 400 сағат, сөйлесу режімінде 17 сағат, ал әуен тыңдау кезінде шамамен 67 сағат жұмыс жасай алады. Бұл көрсеткіштер қазіргі таңның смартфондарымен салыстырғанда өте жақсы көрсеткіш.
Айтылмай кеткен қосымшалары
Бұл қосымшаларды тексеруге мүмкіндік болмағандықтан, сіздерге жай ғана қандай түрлері бар екенін жазып кетейін. Олар жайлы ғаламторда біраз мақалалар жазылған.
Олар:
1) Сымсыз заряд алу
2) NFC модуль
3) Фотобағдарламалар
4) Видео жазу және ойнату
...
Үкім
Nokia нарықта өзінің орнын қайтадан көрсетті. Басқа нарық лидерлерінен еш қалыспай тағы да бір өте тамаша смартфонын ұсынып кетті. Жеке мен өзім бала кезімнен бері Nokia телефондарымен өсіп келемін. Ал смартфонның бұл моделі менің үмітімді толық ақтап шықты.
- Сатып алуға жарайды ма?
- Алуға болады, және көптеген түстер арасынан өзіңізге лайықтысын таңдай аласыз.
(с) Alisher Toiguliyev SmartShow үшін
SmartShow редакциясы ұсынылған девайс үшін SmartShop.kz интернет-дүкеніне алғысын білдіреді.